Сургалтын төлбөр

1. Бакалаврын өдрийн хөтөлбөрт элсэгчдийн сургалтын төлбөр
2. Бакалаврын гарагийн болон эчнээ сургалтад элсэгчдийн сургалтын төлбөр
3. Харьяа сургуульд элсэгчдийн сургалтын төлбөр

ШУТИС-ийн суралцагчдад Боловсролын зээлийн сангаас олгох

 тэтгэлэг, зээл, буцалтгүй тусламж, дэмжлэг

1. Монгол Улсын Ерөнхийлөгчийн тэтгэлэг (Ерөнхийлөгчийн тэтгэлэгт шалгарсан  суралцагчийн ШУТИС-д суралцах бэлтгэл хөтөлбөрийн сургалтын төлбөр)
2. Монгол Улсын Засгийн газрын тэтгэлэг (тэргүүлэх мэргэжлийн чиглэлээр суралцагч, эсхүл сургалтын байгууллагын үндэсний эрэмбийн үнэлгээний “сургалт” хэсэгт 50-аас дээш хувийн үнэлгээ авсан сургалтын байгууллагад суралцагчид олгох сургалтын төлбөр)
3. Засгийн газар хоорондын тэтгэлэг (гадаад улсаас ШУТИС-д тэргүүлэх, эрэлттэй чиглэлийн үндсэн хөтөлбөрт суралцагчид олгох сургалтын төлбөр, дотуур байрны болон хүнсний  зардал)
4. Зарим эрэлттэй мэргэжлийн тэтгэлэг (нийгмийн салбарын хомсдолтой байгаа зарим мэргэжлийн чиглэлээр буюу ШУТИС-ийн нийгмийн ажилтан, хоол зүй, шим судлал хөтөлбөрөөр дэд бакалавр, бакалаврт суралцагчид олгох сургалтын төлбөр)
5. Зорилтот бүлгийн суралцагчид олгох буцалтгүй тусламж (Нийгмийн халамжийн тухай хуулийн 3.1.5-3.1.7-д заасан суралцагч дэд бакалавр, бакалаврын үндсэн хөтөлбөрөөр суралцахад олгох буцалтгүй тусламж. Үүнд:

• Бүтэн өнчин (сургалтын төлбөр);
• Нэг гишүүн нь хөгжлийн бэрхшээлтэй өрхийн хагас өнчин суралцагч (сургалтын төлбөр);
• Хөгжлийн бэрхшээлтэй суралцагч (сургалтын төлбөр, дотуур байрны зардал);
• Эцэг, эх нь хоёулаа хөгжлийн бэрхшээлтэй өрхийн нэг суралцагч (сургалтын төлбөр) ;
• Хөдөлмөрийн чадвараа бүрэн алдсан гишүүнтэй өрхийн нэг суралцагч (сургалтын төлбөр);
• Цаатан, тува, урианхай үндэстний өрхийн тус бүр нэг суралцагч (сургалтын төлбөр) ;
• Нэг гэр бүлийн 3 болон түүнээс дээш хүүхэд бакалаврын үндсэн хөтөлбөрөөр суралцаж байгаа бол нэг суралцагч (сургалтын төлбөр).

6. Сургалтын төлбөрийн хөнгөлөлт (орон нутагт үйл ажиллагаа явуулж байгаа ШУТИС-ийн салбар ДаТС, харьяа ЭЦДС, ӨмТДС-ийн суралцагч, нийгмийн халамжийн тухай хуулийн 3.1.2-т заасан нийгмийн халамжийн дэмжлэг, туслалцаа зайлшгүй шаардлагатай өрхийн гишүүн-иргэнд олгох сургалтын төлбөрийн 50 хувьтай тэнцэх хэмжээний хөнгөлөлт)
7. Сургалтын төлбөрийн хөнгөлөлттэй зээл

• тэргүүлэх болон эрэлттэй мэргэжлийн чиглэлээр магадлан итгэмжлэгдсэн сургалтын байгууллагад суралцагч;
• магадлан итгэмжлэгдсэн хөтөлбөрөөр, эсхүл сургалтын байгууллагын үндэсний эрэмбийн үнэлгээний “сургалт” хэсэгт 50-аас дээш хувийн үнэлгээ авсан сургалтын байгууллагад суралцагч;
• Засгийн газрын тусгай сангийн тухай хуульд заасны дагуу “Өрийн мэдээллийн нэгдсэн сан”-д зээлийн үлдэгдэлгүй байх.

8. Багш, ажилтны хүүхдэд үзүүлэх сургалтын төлбөрийн дэмжлэг (төрийн болон орон нутгийн өмчийн цэцэрлэг, ерөнхий боловсролын сургууль, мэргэжлийн боловсролын сургууль, политехник коллежид 15-аас доошгүй жил тасралтгүй ажилласан багш, ажилтны нэг хүүхдийг тэргүүлэх ба эрэлттэй мэргэжлийн чиглэлийн, магадлан итгэмжлэгдсэн дэд бакалавр, бакалаврын хөтөлбөрөөр суралцахад төрөөс үзүүлэх сургалтын төлбөрийн дэмжлэг)

(дэлгэрэнгүйг Засгийн газрын 2025 оны 04 дүгээр сарын 30-ны өдрийн 215, 2024 оны 03 дугаар сарын 06-ны өдрийн 103 дугаар тогтоолуудын хавсралтаас уншина уу)

ШУТИС-ийн Оюутны үйлчилгээний алба

2025.05.26

ШУТИС-ийн 2025-2026 оны хичээлийн жилд
Бакалаврын хөтөлбөрт оюутан элсүүлэх
журмын 13-р заалт.

АРВАН ГУРАВ. ЭЛСЭГЧДЭД ОЛГОХ ТЭТГЭЛЭГ

• 1. 2025-2026 оны хичээлийн жилийн элсэгчдийн дунд “ШУТИС-ийн Захирлын нэрэмжит тэтгэлэг” олгох сонгон шалгаруулалт явуулж, шаардлага хангасан элсэгчдэд 1 удаа 30 хүртэл багц цагийн сургалтын төлбөрийн тэтгэлэг олгоно.
  2. ШУТИС-ийн хэрэгжүүлж байгаа хөтөлбөрийн чиглэлээр  олон улсын, улсын чанартай олимпиадад 1-5 байр эзэлсэн элсэгчдэд эхний хичээлийн жилийн 30 багц цагийн сургалтын төлбөрийн (50-100) хүртэлх хувийн тэтгэлэг олгоно. Тэтгэлэгт тооцох олимпиадын мэдээллийг элсэлтийн комисс тодорхойлно.
  3. Элсэгч суурь болон дагалдах хичээлд тооцуулсан хичээл тус бүрд 700-750 оноо авсан бол 30 багц цагийн сургалтын төлбөрийн 50%,  751-775 оноо авсан бол 30 багц цагийн сургалтын төлбөрийн 75%, 776-800 оноо авсан бол 30 багц цагийн сургалтын төлбөрийн 100%-ийн тэтгэлэг тус тус олгоно.
  4. Улаанбаатар хот, Дархан-уул аймаг, Орхон аймаг дахь ШУТИС-ийн харьяа ерөнхий боловсролын ахлах сургууль төгссөн элсэгч суурь болон дагалдах хичээлд тооцуулсан хичээл тус бүрд 650-699 оноо авсан бол 30 багц цагийн сургалтын төлбөрийн 50%, 700-749 оноо авсан бол  30 багц цагийн сургалтын төлбөрийн 75%,  750 ба түүнээс дээш оноо авсан бол 30 багц цагийн сургалтын төлбөрийн 100%-ийн тэтгэлэг олгоно.
  5. Тэтгэлэгт хамрагдах хүсэлт гаргасан элсэгчдийн өргөдөл, материалыг комисс хянаж, шаардлага хангасан элсэгчдэд журамд заасан хувь хэмжээгээр тэтгэлэг олгох шийдвэр гарган, захирлын тушаалаар баталгаажуулна.
  6. Засгийн газрын 2024 оны 03 дугаар сарын 06-ны өдрийн 102 дугаар тогтоолын хавсралтаар батлагдсан “Гадаадын болон дотоодын дээд боловсролын сургалтын байгууллагад суралцагчид тэтгэлэг, зээл олгох, эргэн төлүүлэх, буцалтгүй тусламж олгох, дэмжлэг үзүүлэх журам”-ын дагуу элсэгчдэд дараах зээл, тэтгэлгүүдийг Боловсролын зээлийн сангаар дамжуулан төрөөс олгоно. Үүнд:
     1. Магадлан итгэмжлэгдсэн, тэргүүлэх хөтөлбөрөөр дэд бакалавр, бакалаврт (элсэх хөтөлбөрийн суурь болон дагалдах хичээлийн ЭШ-д 600 ба түүнээс дээш оноо авсан байх) суралцагчид Засгийн газрын тэтгэлэг олгоно.
     2. Хөгжлийн бэрхшээлтэй суралцагчид сургалтын төлбөрийн буцалтгүй тусламж, орон нутгийн харьяалалтай хөгжлийн бэрхшээлтэй суралцагчид дотуур байрны зардал олгоно.
     3. Нийгмийн ажилтан, хоол зүйч, сэтгэл зүйч (хөгжлийн бэрхшээлтэй хүүхдэд боловсрол олгох сэтгэл зүйч) зэрэг магадлан итгэмжлэгдсэн, нийгмийн салбарын хомсдолтой зарим эрэлттэй мэргэжлээр суралцагчид сургалтын төлбөрийн тэтгэлэг олгоно.
     4. Зорилтот бүлгийн:
        • эцэг эх нь хоёулаа хөгжлийн бэрхшээлтэй
        • хагас өнчин оюутны эцэг, эсвэл эх нь хөгжлийн бэрхшээлтэй
        • хөдөлмөрийн чадвараа алдсан гишүүнтэй өрхийн оюутныг сургалтын төлбөрийн буцалтгүй тусламжаар суралцуулна.

1. 5. Зорилтот бүлгийн:
      • цаатан, урианхай, тува өрхийн тус бүр нэг иргэн
      • нэг гэр бүлийн 3 болон түүнээс дээш хүүхэд бакалаврын үндсэн хөтөлбөрөөр дэд бакалавр, бакалаврын магадлан итгэмжлэгдсэн, үндсэн хөтөлбөрөөр суралцахад сургалтын төлбөрийн буцалтгүй тусламж олгоно.

6. 6. Орон нутагт үйл ажиллагаа явуулж байгаа ДаТС, ЭЦДС, ӨмТДС-д дэд бакалавр, бакалаврын үндсэн хөтөлбөрөөр суралцах нийгмийн халамжийн дэмжлэг туслалцаа шаардлагатай өрхийн гишүүн оюутанд сургалтын төлбөрийн 50 хувьтай тэнцэх хэмжээний хөнгөлөлт үзүүлнэ.
   7. Магадлан итгэмжлэгдсэн, тэргүүлэх, эрэлттэй мэргэжлийн чиглэлийн дэд бакалавр (элсэлтийн шаардлага хангасан байх), бакалаврын үндсэн хөтөлбөрт элсэн суралцагч (элсэх хөтөлбөрийн суурь болон дагалдах хичээлийн ЭШ-д 500 болон түүнээс дээш оноо авсан байх)-д сургалтын зээл олгоно.
   8. Орон нутагт үйл ажиллагаа явуулж байгаа ДаТС, ЭЦДС, ӨмТДС-д дэд бакалавр, бакалаврын (магадлан итгэмжлэгдсэн эсэх хамаарахгүй) үндсэн хөтөлбөрт суралцагчид сургалтын төлбөрийн 50 хувьтай тэнцэх хэмжээний зээл олгоно.
   9. Цэргийн мэргэжил олгох сургалтад хамрагдсан магадлан итгэмжлэгдсэн, үндсэн  хөтөлбөрөөр суралцах оюутан сургалтын зээлээр суралцаж болно.
7. Боловсролын ерөнхий хуулийн 13.3.6 заалт, Засгийн газрын 2024 оны 03 дугаар сарын 06-ны өдрийн 103 дугаар тогтоолын 2.1.6 заалтаар “Төрийн болон орон нутгийн өмчийн цэцэрлэг, ерөнхий боловсролын сургууль, мэргэжлийн боловсролын сургууль, политехник коллежид 15-аас доошгүй жил тасралтгүй ажилласан багш, ажилтны нэг хүүхдийг магадлан итгэмжлэгдсэн, тэргүүлэх болон эрэлттэй хөтөлбөрөөр төрийн өмчийн дээд боловсролын сургалтын байгууллагад үнэ төлбөргүй, хөнгөлөлттэй нөхцөлөөр суралцуулах” журмын дагуу элсэгчдэд Боловсролын зээлийн сангаас сургалтын төлбөрийн дэмжлэг үзүүлнэ.
8. “072407 Газрын тосны боловсруулах үйлдвэрийн инженерчлэл” хөтөлбөрөөр суралцагчдын сургалтын төлбөрийг Ашигт малтмал, газрын тосны газраас санхүүжүүлнэ.
9. Элсэгч суралцах хугацаандаа гаргасан сурлагын амжилтаасаа хамаарч дараах байгууллага, сангийн тэтгэлгүүдэд хамрагдаж болно. Үүнд:
   1. “Мицүбиши” корпорацын нэрэмжит тэтгэлэг (жил бүрийн 9-10 сар)
   2. “Сүмитомо” корпорацын нэрэмжит тэтгэлэг (жил бүрийн 3-4 сар)
   3. “ШУТИС-Тоёота” сангийн тэтгэлэг (жил бүрийн 1-2 сар)
   4. Газрын тосны хэрэг эрхлэх газар (жил бүр)
   5. Оюу толгой ХХК-ийн тэтгэлэг (жил бүрийн 10 сар)
   6. Эрдэнэс таван толгой ХХК-ийн тэтгэлэг (жил бүр)
   7. Говь ХХК-ийн тэтгэлэг (жил бүр)
   8. Голомт банкны тэтгэлэг (жил бүр)
   9. Хаан банкны тэтгэлэг (жил бүр)
   10. “Санко Сэйки” групийн тэтгэлэг (жил бүрийн 8-9 сар)
   11. Зориг сангийн тэтгэлэг (жил бүр)
   12. Петростар ХХК-ийн тэтгэлэг (жил бүр)
   13. Жи Си Ар Mongolia компанийн тэтгэлэг (жил бүр)
   14. Ажаа Гэгээний нэрэмжит зөв тэтгэлэг (7-р сар)
   15. “ЭН ЭЙ ПИ груп”  ХХК-ийн тэтгэлэг
   16. Бусад тэтгэлгүүд
10. Сургалтын төлбөрийн тэтгэлэг, урамшууллыг давхардуулж олгохгүй.

---oOo---

Оюутан кредит шууд тооцох шалгалт өгөх :  

• Оюутан тухайн хичээлийн талаарх мэдлэг, дадлага, чадвараа хангалттай гэж үзвэл кредит шууд тооцох 30 хүртэлх онооны шалгалтанд өөрийн хүсэлтээр орж болно.
• Оюутан шалгалтанд орохын өмнө тухайн хичээлийн кредитийн 30 хувийн төлбөрийг төлсөн байна.  (жнь: S.MTM131 Математик 1C 3 кр хичээлийн шалгалт өгөх бол 0,9 кр-ийн төлбөр төлнө.)
• Кредит шууд тооцох шалгалтын оноог 3.33 коэффициентоор үржүүлэн уг хичээлийг бүтэн үнэлэх 100 хүртэл оноонд шилжүүлэх ба тухайн хичээлийн кредитийг оюутанд шууд олгоно. (жнь: S.MTM131 Математик 1C хичээлийн шалгалт өгч 25 оноо авбал 25*3,33=83.25 B- үнэлгээтэй болно.) Хэрвээ шалгалтын дүнд сэтгэл хангалуун бус байвал тухайн хичээлийг сонгон судалж болно.
• S.CEM101 Харилцааны англи хэл 3 кр хичээлийг олон улсад хүлээн зөвшөөрөгдсөн шалгалтаар (toefl, ielts, toeic, duolingo, . . . гэх мэт) тооцуулах бол Гадаад хэлний сургууль-Англи хэлний тэнхимд хандана.
• Оюутан хичээлийн жилийн нэг улиралд 3 хүртэл хичээлийн кредит шууд тооцох шалгалтанд орох эрхтэй.
• Оюутан кредит шууд тооцох шалгалт өгөх бол хичээл сонголтын 7 хоногт  бүрэлдэхүүн, салбар, харьяа сургуулийн Сургалтын албанд хандана.

ШУТИС-ийн бүрэлдэхүүн, харьяа сургуулиудын сургалтын албаны байршил

2025-2026 оны хичээлийн жилд шинээр элсэгч оюутнуудын зөвлөх багш нарын мэдээлэл

1. Барилга, архитектурын сургууль
2. Гадаад хэлний сургууль
3. Геологи, уул уурхайн сургууль
4. Дархан-уул аймаг дахь технологийн сургууль
5. Механик инженер, тээврийн сургууль
6. Менежментийн сургууль
7. Мэдээлэл, холбооны технологийн сургууль
8. Нийгэм, хүмүүнлэгийн сургууль
9. Хүнс, хөнгөн үйлдвэрлэл, дизайны сургууль
10. Хэрэглээний шинжлэх ухааны сургууль
11. Эрчим хүчний инженерчлэлийн сургууль

Шинжлэх ухаан, технологийн их сургуулийн элсэлтийн бүртгэл, зөвлөгөө мэдээлэл өгөх “Call Center” 77111757

Оюутны гарын авлага

Түгээмэл асуулт, хариулт:

Бүртгэлийн дугаар, нууц дугаар гэж юу вэ?

Боловсролын үнэлгээний төвийн веб рүү ханддаг Элсэлтийн шалгалтын бүртгэлийн дугаар болон нууц үг юм.   

Бүртгэлийг нууц дугаарыг хэрхэн сэргээх вэ?

Боловсролын үнэлгээний төвийн веб (https://eyesh.eec.mn/profile/login)-д нэвтрэх хэсэгт хандаж сэргээнэ.

2 удаа ЭШ өгсөн бол аль бүртгэлээр бүртгүүлэх вэ?

Хамгийн сүүлд бүртгүүлсэн ЭШ-ын бүртгэлийн дугаараар бүртгүүлнэ. Харин өмнөх дугаараар бүртгүүлсэн бол сүүлд өгсөн ЭШ-ын оноог регистрийн дугаараар нь Боловсролын үнэлгээний төвөөс ШУТИС шууд татаж авах боломжтой учраас дахин бүртгүүлэх шаардлагагүй.  

Ур чадварын шалгалтад юу бэлдэж, авч очих вэ?

Гар утас эсхүл таблет (интернэтэд холбогдох боломжтой дататай байх), иргэний үнэмлэх(Е-Монголиа иргэний үнэмлэхийн лавлагаа), зургийн планшет, хатуу, зөөлөн балын харандаа (HB, 2B, 3H),  баллуур бэлтгэж ирнэ.

Ур чадварын шалгалтын оноог тооцуулж болох уу?

БЯ-аас хүлээн зөвшөөрсөн олон улсын болон улсын төрөлжсөн олимпиадад эхний 5 байрт шалгарсан бүртгүүлэгчийн ур чадварын оноог шууд тооцно. Ур чадварын оноог дүйцүүлэн тооцох олимпиадын мэдээллийг элсэлтийн комисс тодорхойлж, элсэлтийн веб сайтаар түгээнэ.

Ур чадварын шалгалт өгөх байраа хэрхэн мэдэх вэ?

Улаанбаатар хот /Багануур, Налайх, Багахангай дүүрэг орно/ болон Төв аймгаас бүртгүүлэгч нь  Улаанбаатар хотын Шинжлэх ухаан, технологийн их сургууль дээр ур чадварын шалгалт өгнө.  Хөдөө орон нутгийн бүртгүүлэгч нь тухайн орон нутагт ур чадварын шалгалтыг өгнө. Шалгалт авах газрын мэдээллийг Элсэлтийн веб хуудсаар дамжуулан хүргэнэ.   

Суурь болон дагалдах шалгалтын босго оноо хэд вэ?

Суурь болон дагалдах оноо нь ШУТИС-ийн Улаанбаатар  хотын бүрэлдэхүүн сургуулийн хувьд 490 /зарим хөтөлбөрийн хувьд оноо 440-450/, орон нутгийн сургуулийн хувьд 430 онооноос багагүй байна. /Элсэлтийн журам харна уу/

Онооны жагсаалтыг яаж тооцож гардаг бэ?    

Суурь шалгалтад тооцох 2 хичээлийн хамгийн өндөр оноотой хичээлийн оноог 70%, дагалдах хичээлийн шалгалтад тооцох 2 хичээлийн хамгийн өндөр оноотой хичээлийн оноог 30%-д тооцож нийлбэр оноог гаргана.

Элсэлтийн суурь хичээлийн оноог элсэлтийн дагалдан хичээлийн оноогоор тооцож болох уу?

Тэргүүлэх, эрэлттэй хөтөлбөр болон мэргэжлийн чиглэлийн 05-09 хүртэл индексийн хөтөлбөр (мэргэжил)-өөр элсэн суралцах тохиолдолд элсэлтийн шалгалт 1 (Суурь хичээл)-д заасан хоёр хичээлийн аль нэгийг элсэлтийн шалгалт 2 (дагалдан хичээл)-д харгалзах хичээл, босго оноогоор дүйцүүлэн тооцно.

ШУТИС-ийн ахлах сургуулийн төгсөгчийг хэрхэн элсүүлэх вэ?

ШУТИС-ийн ахлах сургуулийн төгсөгчийг тухайн бүрэлдэхүүн, харьяа сургуулийн суурь болон дагалдах шалгалтад тооцохоор заасан хичээлүүдээс Элсэлтийн шалгалт өгч, ШУТИС-ийн босго оноог хангасан тохиолдолд элсүүлнэ.

Ирээдүйн инженер болон техник технологийн олимпиадын байр эзэлсэн бол яах вэ?

Элсэлтийн шалгалтаа амжилттай өгч, хөтөлбөрт заасан босго оноог хангасан тохиолдолд, элсэлтийн комиссын шийдвэрээр хөтөлбөр сонгуулна.

Бүртгэлийн хураамж болон багц цагийн төлбөр хэд вэ?

1. Бүртгэлийн хураамж 20000 ба ур чадварын шалгалт тооцох хөтөлбөрт бүртгүүлсэн бол 30000 төгрөг

Бүртгүүлэгч нь бүртгэлийн хураамжийг нэг удаа төлж ШУТИС-ийн хөтөлбөрийн жагсаалтаас 8 хүртэл хөтөлбөрт бүртгүүлэх боломжтой. Элсэлтийн бүртгэл хаах хугацаанаас өмнө сонгосон 8 хөтөлбөрийн жагсаалтыг 2 удаа өөрчилж болно.

2. Элсэх эрх баталгаажуулах 1 кредит /багц цаг/-ийн төлбөр 190000 төгрөг

Бүртгүүлэгч нь 1 багц цагийн төлбөрийг төлснөөр элсэх эрх баталгаажна. Тухайн төлбөр нь суралцагчийн сургалтын төлбөрт тооцогдоно.

Хэрхэн бүртгэлийн хураамж төлөх вэ?

Бүртгүүлэгч нь дараах боломжуудаар төлбөр төлөх боломжтой. Үүнд:

1. Банкны картаар
2. Голомт банк: Social pay,
3. Хаан банк: Digi pay
4. Интернэт банкаар

Гүйлгээний утга /төлбөрийн зориулалт хэсэгт бүртгүүлэгчийн БҮТ-ийн бүртгэлийн дугаар, регистрийн дугаар, овог нэр, утасны дугаараа заавал бичнэ. Гүйлгээний утга/төлбөрийн хэсэгт системд нэвтэрдэг бүртгэлийн дугаараа зөв бичсэн тохиолдолд 5-10 минутын дотор бүртгэл хүчин төгөлдөр болно.  

Элсэгчдэд олгох хөнгөлөлт, тэтгэлэг хэрхэн олгох вэ?

Тэтгэлэгт хамрагдах хүсэлт гаргасан элсэгчийн өргөдөл, материалыг комисс хянаж, шаардлага хангасан элсэгчдэд элсэлтийн журамд заасан хувь хэмжээгээр тэтгэлэг олгох шийдвэр гаргана.

1. ШУТИС-ийн Ректорын нэрэмжит тэтгэлэг олгох сонгон шалгаруулалт явуулж, шаардлага хангасан элсэгчдэд 1 удаа 30 хүртэл багц цагийн сургалтын төлбөрийн тэтгэлэг олгоно.
2. ШУТИС-ийн хэрэгжүүлж байгаа хөтөлбөрийн чиглэлээр Боловсролын яамнаас тогтоосон Олон улсын болон улсын олимпиадад оролцож 1-5 байр эзэлсэн элсэгчдэд эхний хичээлийн жилийн 30 цаг цагийн сургалтын төлбөрийн  (50-100) хүртэл хувийн тэтгэлэг олгоно. Тэтгэлэгт тооцох олимпиадын мэдээллийг элсэлтийн комисс тодорхойлно.
3. Суурь болон дагалдах хичээлд тооцуулсан хичээл тус бүрд 700-750 оноо авсан бол 30 багц цагийн сургалтын төлбөрийн 50%, 751-775 оноо авсан бол 30 багц цагийн сургалтын төлбөрийн 75%, 776-800 оноо авсан бол 30 багц цагийн сургалтын төлбөрийн 100%-ийн тэтгэлэг тус тус олгоно.
4. Улаанбаатар хот, Дархан-Уул аймаг, Орхон аймаг дахь ШУТИС-ийн харьяа ерөнхий боловсролын ахлах сургууль төгссөн элсэгч суурь болон дагалдах хичээлд тооцуулсан хичээл тус бүрд 650-699 оноо авсан бол 30 багц цагийн сургалтын төлбөрийн 50%, 700-749 оноо авсан бол 30 багц цагийн сургалтын төлбөрийн 75%,  750 ба түүнээс дээш оноо авсан бол 30 багц цагийн сургалтын төлбөрийн 100%-ийн тэтгэлэг олгоно.

Оюутны хөгжлийн зээл, буцалтгүй тусламжид хэрхэн хамрагдах вэ?

Засгийн газрын 2025 оны 04 дүгээр сарын 30-ны өдрийн 215, 2024 оны 03 дугаар сарын 06-ны өдрийн 103 дугаар тогтоолын хавсралтын дагуу холбогдох материалыг бүрдүүлж, Бүрэлдэхүүн сургуулийн сургалтын албаны  Боловсролын зээлийн сан хариуцсан ажилтанд хандана.

Оюутны байрны талаар мэдээлэл

Улаанбаатар хотод Оюутны 4 байр байдаг. Оюутны байранд орох хүсэлтэй элсэгчдийг  8-р сарын сүүлийн долоо хоногт Оюутны веб буюу www.student.must.edu.mn - аар бүртгэнэ.